සමහර NDT එවුන්ට BSc ගැන හීනමානයක් වගේම අපේ සමහර එවුන්ට කුහක කමකුත් තියෙනවා NDT එවුන් ගැන. මේ ගැටුමට මූලික කාරණය ගත්තොත් කවුද බලවත්, කවුද පොර කියන එක. ඇත්තටම ඔය කැම්පස් වල ගහගත්තට ඕවගෙන් කල්ල මරේ දාගන්නේ කිහිප දෙනෙක් විතරයි. උන් ගොඩක් වෙලාවට අවස්තාවාදී කපටියෝ - ලේ බින්දුවක් වත් ඇගෙන් හොලෝගන්නෙත් නැහැ - අන්තිමට හරි ඉක්මනට රටේ හෝ ආයතනයේ ඉහලට යනවා, මොකද උන් කැපිලි ගේම් එක හොදට දන්න නිසා. අනික් එක තමයි තමුන් BSc, Engineeringද, NDTද, IT ද කියන එක අනාගත රැකියා සාර්තකත්වයට බලපානව කියන හරසුන් හැගීම. ඇත්තටම උපාධියක් තිබ්බට වැඩක් නැහැ, තමුන්ට සාර්තක වෙන්න අරමුණක් හෝ කැපවීමක් නැත්නම්. අදටත් වැඩි කාලයක් නැහැ අපිත් ඔය වගේ අමණ විදියට ගහගත්තු කාලයක් තිබ්බා. හැබැයි එදා වෙලාවට එකෙක්වත් මලේ නෑ, ඉස්පිරිතාල වල සති ගනන් ලැගලා ගොඩ දාගත්තා. එදා දෙපැත්තක ගහගත්තු මරාගත්තු අපි අද සමහර වෙලාවට හොදම මිතුරෝ අද. දරුණුම ලෙඩේ තැමයි ගැටුමක් පටන්ගත්තට පස්සේ හැමෝම බලන්නේ කොහොමහරි තමුන්ගේ පැත්ත දිනවන්න. ඒ ආවේගයත් එක්ක අනික් හැම දෙයක්ම අමතක වෙනවා. මොරටුවේ මේ ගැටුම තියෙන්නේ අද ඊයෙ ඉදන් නෙමෙ. මෙතන තියෙන ප්‍රශ්නය ගහ මරාගන්න එකට වඩා නීතිය ක්‍රියාත්මක නොවන එක මේ රටේ. රටේ හැම මුල්ලකම අස්සක් මුල්ලක් නෑර එකම නීතියක් ක්‍රියාත්මක වෙන්න ඕනේ. ඒකට කැම්පස්ද NDT ද BSc ද RAGද Anti Ragද කියන එක වැදගත් නැහැ. කැම්පස් වල ගැටුම් තුලනය වෙන්නේ නැත්තේ සමහර වෙලාවට ගුරුවරු මැදිහත් වෙලා සාමදාන කරනවා, නැත්නම් නීතිය ක්‍රියාත්මක කරන ආයතන කැම්පස් එවුන්නේ කියල පොඩි සමාවක් දෙනවා. එතන තමයි මේ හැම දේකටම මුල. මේවගේ දේවල් නවත්වන්න අනිවාර්යයෙන්ම නීතිය ක්‍රියාත්මක කරන්න කියන ආයචනය තමයි අද මේ ශිෂ්‍යයා රොහල් ගත කරපු වෙලේ මට හිතෙන්නෙ.
No comments:
Post a Comment